Agents de Miei Ambient deth programa LoupO an impartit ua charrada as alumnes de 1èr de primària dera Escòla Garona
Aué, es Agents de Miei Ambient deth programa LoupO deth Conselh Generau d’Aran an impartit ua charrada as alumnes de 1èr de primària dera Escòla Garona.
Pendent tot eth mes de noveme, es Agents amiaràn a tèrme ua sèria de charrades mieiambientaus ar alumnat d’aguest centre. Aué, an ensenhat as petits a distingir es diferents rastres des animaus mès tipics deth nòste territòri.
Ua forma d’apropar ara mainadèra ath sòn entorn e hèr-les coneishedors dera realitat des nòstes montanhes gràcies ara experiéncia e coneishements des Agents de Miei Ambient.
